Qazaqstannyń bank sektorynda keshbek pen bonýstyq baǵdarlamalar sońǵy jyldary mańyzdy básekelestik quralyna aınaldy. Qarjy uıymyn tańdaýda bul tetik klıent úshin jaı ǵana qosymsha artyqshylyq emes, sheshýshi faktorlardyń birine aınalyp otyr. Sebebi árbir kúndelikti tólem naqty únem men qosymsha paıda ákelýi múmkin, dep habarlaıdy Egemen.kz.
Búginde elimizdegi 23 ekinshi deńgeıli banktiń 12-sinde bonýstyq baǵdarlamalar bar. Sonyń ishinde 9 bank barlyq dúkender men jelilerde jasalǵan satyp alýlarǵa keshbek usynady. Alaıda ár banktiń sharttary men shekteýleri ártúrli. Naryqtaǵy eń tıimdi usynystarǵa toqtalaıyq.
Jeke tulǵalar bankrottyǵy: Bankter qansha adamnyń bereshegin keshirdi?
Bank RBK: SARQYT baǵdarlamasyNaryqtaǵy biregeı ónimderdiń biri – Bank RBK usynǵan SARQYT adaldyq baǵdarlamasy. «Shashý keshbek. 8% – barlyǵyna, árdaıym» ustanymyna negizdelgen bul baǵdarlama barlyq qolma-qol aqshasyz bólshek satyp alýlarǵa, el ishinde de, shetelde de naqty aqshamen keshbek esepteıdi.
Baǵdarlamanyń basty sharty – kartadaǵy qaldyq mólsheri. Qaldyqqa qaraı keshbek kólemi 3%-dan 8%-ǵa deıin ózgeredi. Qajetti qaldyqtyń eń tómengi shegi 75 myń teńgeden bastalyp, 500 myń teńgege deıin jetedi. Bul – basqa banktermen salystyrǵanda qoljetimdi talaptardyń biri. Kóp jaǵdaıda ózge qarjy uıymdary joǵary keshbek úshin birneshe kúrdeli shart qoıady.
SARQYT – Bank RBK klıentteri úshin tegin artyqshylyq. Baǵdarlamaǵa My RBK mobıldi qosymshasy arqyly qosylýǵa bolady. Aı saıynǵy keshbek kólemi 100 myń teńgege deıin jetýi múmkin, bul da naryqtaǵy joǵary kórsetkishterdiń qatarynda.
Freedom Bank: kóp quramdy keshbekFreedom Bank-tiń adaldyq baǵdarlamasynda keshbek birneshe komponenttiń qosyndysynan qalyptasady. Ekojúıeni esepke almaǵanda, eń joǵary keshbek 8%-ǵa deıin jetýi múmkin. Alaıda munda talaptar kúrdelirek.
4% keshbek alý úshin ortasha aılyq qaldyq 1 mln teńgeden asýy tıis. Qosymsha 2-3% baılanyssyz tólemder arqyly beriledi (Freedom termınaldarynda – 3%). Taǵy 1% aıyna 50 myń teńgeden astam satyp alý jasaǵan klıentterge qarastyrylǵan. Bazalyq keshbek ekojúıeden tys 1%-dan bastalady. Taǵy bir erekshelik – keshbek Freedom valıýtasynda esepteledi. Aılyq eń joǵary keshbek – 200 myń teńge.
Bereke Bank: Joǵary bonýstarBereke Bank te joǵary bonýstarymen erekshelenedi. BBonus baǵdarlamasy sheńberinde 3%-dan 7%-ǵa deıin keshbek alýǵa bolady. Ol úshin depozıt kólemi 500 myń teńgeden 20 mln teńgege deıin bolýy shart (BBonus+). Sonymen qatar Bereke Premium kartasymen 5% bonýs usynylady. Maksımaldy bonýs kólemi – aıyna 200 myń teńge.
Eýrazııalyq bank: shartty tıimdilikEýrazııalyq banktiń kartalary boıynsha arnaıy sanattardy tańdaýsyz-aq 5%-ǵa deıin bonýs jınaýǵa bolady. Biraq belgili talaptar bar: 3% bonýs úshin aılyq qolma-qol aqshasyz aınalym 300 myń teńgeden asýy tıis, al qosymsha 2% – depozıti 5 mln teńgeden joǵary klıentterge beriledi.
Atalǵandardan bólek, bonýstyq baǵdarlamalary bar bankter qatarynda Home Credit Bank, Bank SentrKredıt, Shinhan Bank Kazakhstan, Alatau City, Altyn Bank, Halyk Bank, Kaspi Bank jáne ForteBank te bar.
Qaryzyn tólemegen bankterge baılanysty ne ózgerdi?
Naryqtyń ósýine serpin bergen faktorQazaqstanda kartalyq naryqtyń belsendi damýyna dál osy keshbek pen bonýs júıeleri aıtarlyqtaı áser etip otyr. 2025 jylǵy 1 jeltoqsanda eldegi tólem kartalarynyń sany 84,4 mln-ǵa jetip, 1 jylda shamamen 5%-ǵa artty. Sońǵy bes jylda kartalar sany 80%-dan astam ósse, 10 jyl ishinde 5 eseden kóp ulǵaıǵan.
Sarapshylardyń pikirinshe, keshbek pen bonýstar:
- klıentterge naqty qarjylyq únem beredi;- banktik ónimderdi kúndelikti qoldanýdy jeńildetedi;- klıentterdi tartý men ustap qalýdyń tıimdi quralyna aınaldy;- qolma-qol aqshasyz tólemder men sıfrlyq bankıngtiń damýyn jedeldetedi.
Osylaısha, keshbek baǵdarlamalary búginde jaı marketıngtik amal emes, otandyq bank naryǵyndaǵy basty básekelestik artyqshylyqtardyń birine aınalyp otyr.
Endi jeńildetilgen ıpotekany jekemenshik bankter de usyna alady